Korte Komun di Hustisia di Aruba, Kòrsou I Sint Maarten i di Boneiru, Sint Eustatius i Saba ta enkargá ku hurisdikshon den promé instansia i den apelashon riba e islanan di Aruba, Kòrsou, Sint Maarten i di Boneiru, Sint Eustatius i Saba. Korte Komun di Hustisia ta konsistí di un presidente i e sobrá miembronan i miembronan suplente. Miembronan di Korte Komun di Hustisia ta trata, tantu den promé instansia komo den apelashon, kasonan sivil, kasonan penal i kasonan di hurisdikshon atministrativo (ku tambe ta enserá kasonan di impuesto).

Korte di promé instansia
Un kaso ku ta bai korte pa promé bia, generalmente ta kai bou di hurisdikshon di Korte di promé instansia, ku ta parti di e organisashon di Korte di apelashon. Kasonan asina generalmente ta keda tratá pa un hues. Korte di promé instansia di Aruba, Kòrsou, Sint Maarten i di Boneiru, Sint Eustatius i Saba tin su sede na Kòrsou i bou di dje ta kai tur e islanan di Aruba, Kòrsou, Sint Maarten i di Boneiru, Sint Eustatius i Saba. E tin su seshonnan tambe na tur e islanan. Alabes tin un Korte di promé instansia pa Aruba ku tambe ta parti di e organisashon di Korte di apelashon.

Apelashon
Korte Komun di Hustisia di Aruba, Kòrsou, Sint Maarten i di Boneiru, Sint Eustatius i Saba ta trata kasonan den apelashon ku a keda tratá i sentensiá den Korte di promé instansia. E hues ku a trata e kaso den promé instansia, no ta tuma parti na e tratamentu di e mesun kaso den apelashon. E kasonan den apelashon ta keda tratá pa tres miembro di Korte di apelashon. E huesnan ei e ora ei ta forma Korte Komun di Hustisia di Aruba, Kòrsou, Sint Maarten i di Boneiru, Sint Eustatius i Saba. Pues e nòmber aki ta para tantu pa e totalidat di e organisashon di hurisdikshon di Aruba, Kòrsou, Sint Maarten i di Boneiru, Sint Eustatius i Saba (bou di kua tambe e Kortenan di Promé Instansia) komo pa e instansia di apelashon so (despues di esaki ‘Hof’). Tin kasonan di eksepshon tambe kaminda tres hues di Hof ta trata kasonan den promé instansia.

Kolegionan spesial
E miembronan di Korte Komun di Hustisia di Aruba, Kòrsou, Sint Maarten i di Boneiru, Sint Eustatius i Saba tambe ta traha huntu den kolegionan spesial, manera Korte di apelashon den asuntunan di ámtenar i Korte di apelashon den asuntunan di impuesto.

Kiko ta Korte di promé instansia?

Un kaso ku ta bai korte pa promé bia, ta kai bou di outoridat di Korte di promé instansia. Kasonan asina generalmente ta keda tratá pa un hues.

Un kaso di apelashon ta keda tratá pa 3 hues. E huesnan aki huntu ta forma Hof. E nòmber aki ta para tambe pa henter e organisashon di hurisdikshon.

Korte Komun di Hustisia
di Aruba, Kòrsou, Sint Maarten i
di Boneiru, Sint Eustatius i Saba
content©GHJ, design©passaatdesign.com, developed by SPIN